Cebu City-Usa ka Mandawehanon nga Overseas Filipino Worker sa Riyadh Saudi Arabia ang naluwas sa mga kamot sa salbahis niining amo.
Mapasalamaton si Jemalyn Larobes, ,human nga kini ang natabangan ug nakauli sa Sugbo nga buhi taliwala sa iyahang naagi-an sa kamot sa iyahang mga amo sa maong nasud.
Gisaysay niini nga lima palamang kini ka buwan nga nanarabaho sa gawas sa nasud alang sa iyahang pamilya apan wala kini maka agwanta sa pagmalatrato kaniya sa iyahang amo.
Matud niini nga dagmalan siya, ug pasanginlan sa tanan nga mangawala sa iyang gitrabahu-an, gidid-an sa paggawas sa balay ug wala kini gihatagan ug day-off.
Gumikan niini, nangita kini ug pamaagi ng makakontak sa Pilipinas hangtud nga naabot sa opisina ni Mandaue City Vice Mayor Carlo Fortuna ang maong problema.
Giduol kini sa bise mayor ngadto na sa buhatan sa OWWA hangtud nga natabangan kini nga makauli sa Pilipinas
