Mokabat sa 2,045 ka mga mangingisda gikan sa ika-5 nga Distrito sa Sugbo ang nakadawat og tabang pinansyal gikan sa Bureau of Fisheries and Aquatic Resources sa Central Visayas (BFAR-7), ubos sa Presidential Assistance to Farmers and Fisherfolk Program (PAFFP).
Matag usa kanila nakadawat og ₱2,325 nga tabang pinansyal, nga nagsilbing suporta sa mga trabahante sa agrikultura nga naapektuhan sa pagsaka sa presyo sa mga produktong petrolyo tungod sa nagpadayon nga tensyon sa Middle East.
Ang pag-apod-apod nagsugod niadtong Hunyo 5, 2026, diin ang ahensya nakahatag og ₱4.8 milyon sa mga mangingisda gikan sa Danao, Compostela, Consolacion, Liloan, Borbon, Sogod, Catmon, Carmen, San Francisco, Poro, Tudela, ug Pilar.
Gipundok ang mga benepisyaryo atol sa payout alang sa hapsay ug paspas nga pag-apod-apod. Samtang niadtong Lunes, Hunyo 8, adunay 376 ka mga mangingisdang Oponganon ang nakadawat usab sa nahisgutang tabang, diin ang pagpanghatag gihimo sa Cordova Sports Complex sa Barangay Poblacion, lungsod sa Cordova.
