Miluwat og pag-ampo ang Archdiocese of Manila alang sa umaabot nga pagpili sa bag-ong mangulo sa Simbahang Katoliko.
Sa Circular No. 2025–31, ang archdiocese nanawagan sa mga matuuhon sa pag-ampo alang sa College of Cardinals nga mopili sa ika-267 nga Santo Papa sa usa ka conclave sa Vatican sunod semana.
Diin ilang gihangyo nga awhagon ang mga matuuhon sa pag-apil sa kasaulogan sa Eukaristiya, Adoration of the Blessed Sacrament, Liturgy of the Hours, personal nga pag-ampo, ug ang pag-ampo sa rosaryo sa pakighiusa sa tibuok Simbahan.
Dugang pa nga ang mga parokya ug mga komunidad kay mamahimong mag-recite sa Pag-ampo alang sa Pagpili sa usa ka Santo Papa human sa Post Communion Prayer sa tanang Misa sugod karong adlawa, Sabado sa gabii, Mayo 3, 2025, hangtud sa pagpili sa bag-ong Supreme Pontiff.
Sa laing bahin, ang archdiocese miingon sa pagsugod sa papal conclave sa Miyerkules, ang tanang Misa ipahinungod sa pagpili sa bag-ong papa.
Ug ang sunod nga papa maoy mopuli kang Pope Francis, kinsang mitaliwan na niadtong Abril 21 sa edad nga 88.
