Gikompirmar sa WBC President, Mauricio Sulaiman, nga si Manny Pacquiao, ang legendary eight-division world champion, mobalik sa boxing ring alang sa usa ka away karong tuiga.
Matod ni Sulaiman, makigsangka si Pacquiao kang WBC welterweight champion Mario Barrios karong Hulyo, 2025.
Si Barrios gituboy sa hingpit nga kampiyon sa WBC human gibakante ni Terence Crawford ang bakus pinaagi sa pagsaka sa timbang. Niadtong Nobyembre, si Barrios mihimo og title defense batok kang Abel Ramos, nga natapos sa usa ka draw.
Ang maong pahibalo sa away, gihimo pinaagi sa Premier Boxing Champions (PBC).
Kahinomdoman, nga ang katapusang away ni Pacquiao kay niadtong pang Agosto 2021, diin napildi siya sa unanimous decision ni Yordenis Ugas.(BOMBO IRENE ARDIENTE)
