CEBU – Inay himuong tinola human mapildi sa away, usa ka panabong nga manok sa Quezon, Nueva Ecija ang gibutang sa saktong lungon ug gihatagan og desenteng lubong.
nagviral sa social media ang video ni Rowell Tuban human namatay ang iyang binuhing manok nga si “Sonny.”
Kini human gi-post ni Tuban ang saktong haya ni Sonny nga iyang gibutang sa gamayng lungon.
Matod ni Tuban, paborito niyang binuhing hayop si Sonny kinsa giingong nagdalag suwerte sa ilang kinabuhi.
Maong nakahukom kini nga hatagan og saktong lubong ang binuhi isip handumanan sa gugma ug pasalamat kang Sonny.
Giingong upat na ka higayon nga midaog si Sonny sa away apan wala kini swerte sa kataposang away niini ug nakaangkon kini og grabeng kadaot, pila ka adlaw niyangagisuwayan pagpatambal apan namatay ra usab ang manok.
