CEBU – Adunay nagkadaiyang pamaagi ang mga motorista aron makadaginot sa gasolina kay mahal ang krudo.
Lakip na niini ang usa ka lalaki nga gikatahong gisaglan ang diesel sa iyahang sakyanan pg mantika sa manok.
Sa laing bahin adunay usay mga sakyanan nga nagbutang na og solar panel.
Sa usa ka taho, nasayran nga gipangayo ni Edmundo Briserio, usa ka engineer, ang mantika nga gigamit sa iyang higala sa negosyo niini nga pako sa manok.
Apan, ang maon ginamit nga mantika dili niini gamiton sa pagluto, inay ibuwad ni Briserio ang mantika nga gisulod sa usa ka plastic container sa init sulod sa usa ka semana.
Gituohan nga sa maong pamaagi makunhuran ang sediment nga anaa sa mantika human salaon kini pinaagi sa oil filtration system.
Kung masiguro nga limpyo na isagol kini dayon isip diesel additive sa iyang sakyanan.
Gibutyag ni Briserio, nga nahimo na kini og pagtuon diin ang peanut oil o mantika sa mani gigamit sa mga diesel engine sa mga sakyanan busa misuway kini pagsagol og mantika sa diesel.
Duha ka tuig na kini niya nga gihimo ug wala ra kni namatikdan nga problem sa performance sa iyahang sakyanan.
