-- ADVERTISEMENT --
CEBU CITY-Hapit muabot sa usa ka milyon pesos ang danyos sa mitumaw nga sunog sa may Sitio Bayabas, Brgy. Ibabaw dakbayan sa Mandaue, Cebu ganinang kaadlawon.
Matud ni SFO1 Edson Sidapan sa Bureau of Fire Protection (BFP) Mandaue nga 3 industrial shop ang gilamon sa kayo. Nadawat nila ang fire alam pasado alas 12:53 kaganinang tungang gabii ug nakontrolar kini pasado ala 1:30 kung diin miabot kini sa third alarm level.
Totally burned ang usa ka manufacturer og fire extinguisher alarm system,rewinding shop samtang partially burned usa ka bakeshop.
Sa kinatibuk-an miabot sa 975,000 pesos ang danyos gikan sa naasoy nga sunog ug padayon pa nga gi-imbetigaran ang hinungdan niini.
Wala hinooy nataho nga naangol o namatay sa maong insidente.
-- ADVERTISEMENT --
