Manufacturing sector, mas nikusog sa buwan sa Abril

Mas nilapad ang Manufacturing sector kaniadtong Abril sulod sa lima ka buwan.

Sumala sa S&P Global, ang manufacturing purchasing manager’s index sa Pilipinas anaa sa 52.2 niadtong Abril sa kasamtangan tuig.

Mas taas pa kini kaysa Marso nga adunay 50.9.

Gibase ang PMI sa survey sa 400 ka manufacturers diin pipila sa mga hinungdan dinhi mao ang mga bag-ong order, output, trabaho, suppliers delivery ug stocks sa mga gipamalit.

Ang nasangpit nga survey nagpadayag usab nga adunay mga paborableng kondisyon sa panginahanglan ug taas nga mga kinahanglanon sa produksiyon nga nagduso sa mga tiggama sa pagdugang sa ilang kalihokan sa pagpalit ug paghimo sa ilang imbentaryo.