CEBU CITY--Sikop sa gipahigayong buybust operatrion ang usa ka manuwaay sa iligal nga drogas sa tagbilaran probinsya sa Bohol.
Sa interview sa Bombo Radyo Cebu kang Police Senior Inspector Romar Labasbas sa Bohol Provincial Drug Enforcement Unit, gibutyag niini nga ang subject ang giila nga si Geoffrey Silao, 33 anyos ug kasamtangan nga nagpuyo sa Barangay Cogon, Tagbilaran City, Bohol.
Nakuha gikan sa dinakpan ang 117 gramos sa shabu nga dunay Dangerous Drugs Board Value nga mukabat sa 1.3 million pesos. Matud ni PSI Labasbas nga nakadawat silan ug impormasyon kabahin sa bag-ong manuwaay sa iligal nga drogas sa maong lugar hinunbgdan nga ila kining gipaubos sa tulo ka semana nga validation.
Nasuta usab sa imbestigasyon sa kapulisan nga lumad nga taga dakbayan sa Talisay ang subject ug bag-uhay lang nibalhin sa Cebu.Dugang pa ni Labasbas nga base sa ilang pangpangutana sa subject, gikan sa Sugbo ang supply niini nga maoy iyang gibaligya sa Bohol.
Matud pa nga duna kini igkita nga tawo sa pantalan sa Sugbo nga maoy muhatud kaniya og drogas ug didto nna usab kini muagi sa cordova sa iyahang pagbalik sa Bohol.
Giisip usab sa kapulisan ang subject nga usa ka high value target gumikan sa kalapad sa area of distribution niini. Kasong kalapasan sa Comprehensive Dangerous Drugs Act ang gipasaka batok sa dinakpan.
Makig-alayon usab ang Bohol Provincial Police Office sa mga kapulisan sa dakbayan sa Talisay kabahin sa backropund sa subject.
