Nanawagan si President Marcos sa mga Pilipino nga tinguhaon ang kaayohan sa kadaghanan ug mahimong mas maayong mga tinugyanan sa nasud samtang ilang gisaulog ang Adlaw sa mga Santos ug Adlaw sa mga Kalag.
Sa usa ka pamahayag, si Marcos miingon nga ang okasyon naghatag ug kahigayonan sa mga Pilipino sa pagpalig-on sa ilang bugkos alang sa kauswagan sa ilang espirituhanong kinabuhi “dili lamang uban sa Dios, kondili usab sa usag usa.”
Ang Presidente miingon, nga hinaut nga kini makapahinumdom kanato sa mga mithi nga molahutay pinaagi kanato isip usa ka nasud: pagtuo, kalig-on, ug paglaum.
Matod ni Marcos, ang All Souls’ Day usa ka panahon sa pagpamalandong diin ang mga namatay nga matinud-anon nga nanguna sa kinabuhi sa dungog, sakripisyo ug pagserbisyo.
Samtang sa All Saints’ Day, ang Chief Executive miingon, usa ka pahinumdom sa pagpaningkamot ngadto sa mga hiyas nga nagpaila sa mga santos sa ilang talagsaong kalooy, kamabination, ug pagpaubos.
Dugang pa niini, nga himo-on nga kining adlaw sa handumanan nga magpasiga kanato pag-usab aron mahimong mas maayong tawo, mas maayong Pilipino ug mas maayong mga tinugyanan sa atong minahal nga nasod ./
