Nunot sa rehabilitation sa San Juanico Bridge, ang Maritime Industry Authority, Central Visayas (MARINA-7), ug Philippine Coast Guard (PCG-7), padayun sa pag-monitor ugaling adunay problema sa transportasyon sa mga produkto.
Ang nagpabiling hagit karon sa Philippine Coast Guard (PCG), mao ang pamaagi og kung unsaon pag-transport sa mga goods and services o mga vehicles gikan sa Samar. Mao kini ang gikabutyag sa Commander sa PCG Station Central Cebu, Capt. Jerome Y. Lozada, atol sa ikslusibong pakighinabi sa Bombo Radyo Cebu Team.
Giklaro usab ni Lozada nga dinhi sa Cebu, ang hagit nga ilahang nahiaguman mao ang special permits, apan, tungod sa abag sa Philippine Maritime Industry Authority (MARINA) , aduna nay mga napagawas nga mga special permits alang adtong mga barko nga mapadayon ang ilahang operasyon.
Dugang niya, sa pagkakaron, wala silay nadawat nga mga reports kabahin sa mga na stranded nga mga vessels, kay nakig-alayon usab sila sa sea transports isip unang kapilian.
Iyaha usab nga gikabutyag nga nag-imbita sila og mga vessels nga mo byahe sa mga dapit nga dili ilahang orginal nga rota, diin sa una palang, mao kini ang buot ug tumong sa MARINA nga ni isyu og mga permits kay tungod ug alang sa mga vessels nga walay prangkisa, apan, makabyahe gihapon aron usab makatabang sa pagdiskargsa sa kung unsa man gali ang kinahanglanon.
Sa pikas bahin, ang Maritime Industry Authority, Central Visayas (MARINA-7), nipahigayon usab og pipila ka mga “relaxation of ship schedules” subay gihapon sa rehabilitation sa San Juanico Bridge, diin, sa higayon nga puno na ang mga barko sa nagkadaiyang karga niini, pwede na kini nga makabyahe bisan paman dili pa ang ilahag ma eskedyul nga oras sa pag byahe.
Mao kini ang gikabutyag ni Engr. Rochyl M. Villamor ang supervising Maritime Industry Development Specialist sa MARINA-7, nga mamahimo ra gayud nga mo byahe ang mga barko nga dili na hugot nga mag sunod sa ilahang eskedyul ang oras, basta masigurado lang nga luwas ang kahimtang niini.
Gawas niana, iyaha usab nga gitataw nga nag isyu sila og mga special permit para adunay espesyal nga operasyon ang byahe padung sa Tacloban.
Subay niini, ang bugtong tumong sa, maong buhatan ang kaluwasan sa Maritime.
Busa, ang Philippine Maritime Industry Authority (MARINA), nipasalig nga ang tanang sistema ug standard regulations gipahimutang aron malikayan ang bisan unsang katalagman sa kadagatan ug maprotektahan ang marine environment.
Gipakusog sa MARINA-7 ang compliance monitoring sa rehistrasyon sa mga sea vessels aron masiguro ang seaworthiness ug nagpahigayon og random inspections sa tanang rehistradong barko sa rehiyon.
Adunay kapin sa 4,000 ka mga rehistradong barko ug ubang mga barko sa kadagatan sa Central Visayas, sumala sa MARINA-7.
Aron masiguro ang higpit nga pagpatuman sa maritime safety guidelines, ang Philippine Coast Guard (PCG) nagpatuman na karon og ‘assistive enforcement’ nga naghatag sa mga shipping companies og taas nga compliance period aron matul-id ang ilang mga kalapasan ug garantiya ang luwas nga operasyon sa kadagatan sa ilang mga barko.
Ang PCG nagpahigayon usab sa gikinahanglang ‘pre-departure inspections’ sa matag pantalan, ug vessel safety enforcement inspections matag tulo ka bulan. | Bombo Irene Ardiente
