‘All eyes’ sa aktres nga si Maris Racal sa 27th Taipei Film Festival, diin nagsul-ob kini og modernong Filipiniana.
Nasayran nga ang iyang look kay bespoke black-and-white nga terno nga gidensyo ni AJ Javier, nga naghiusa sa tradisyon ug modernong istilo, nga giinspirar sa iconic nga sinina ni Audrey Hepburn sa 1954 nga salida nga “Sabrina.”
Matod sa iyang stylist nga si Adrianne Concepcion, ang disenyo adunay tasselled butterfly sleeves isip testamento sa kulturang Pilipino ug duyog niana, ang iyang makeup nga simple apan elegante, nga nagpakita sa iyang natural nga katahom.
Kauban ni Maris sa maong event ang direktor sa saldiang “Sunshine” nga si Antoinette Jadaone, diin ang salida mahitungod sa usa ka batan-ong gymnast nga nakahibalo nga mabdos siya samtang anaa sa kinapungkayan sa iyang karera.
Kahinumduman nga nalakip ang maong salida sa Berlin Film Festival ug ipasalida kini sa mga sinehan sa Pilipinas.
