Gibuak na ni Mark Herras ang iyang pagpakahilom kalabot sa mga huhungihong nga mitumaw bahin sa giingong relasyon nila sa singer ug negusyante nga si Jojo Mendrez.
Kini human nga nag-viral sa social media ang video nga nagpakita nga nag-uban ang duha sa usa ka hotel, ug nunot niini, gihatagan pa ni Mark og buwak si Jojo samtang nag-perform siya atubangan sa media.
Ingon man nga daw aduna pa’y nakit-an nga suwat ang staff sa hotel nga adunay hangyo ni Jojo ngadto kang Mark nga hunongon ang pagsayaw sa gay bar kon mahimo.
Ug sa usa ka interview, gisaysay ni Mark ang tinuod niyang relasyon kang Jojo.
Matud niini nga basin nakalimot ang mga tawo o mga tagasuporta niini nga gipadako siya sa mga mahuyang hinungdan nga dili kini angayan nga hatagan og bati nga interpretasyon.
Dugang pa ni Mark nga dako ang iyang pagtahod sa mga kaubang LGBTQ.
Ug mapasalamaton kini sa tanang isyu nga naglibot kaniya, apil na ang isyu sa pagsayaw niya sa usa ka gay bar.
