Napakyas ang amateur Mixed Martial Arts (MMA) fighter nga si Lukasz Bukovac sa iyang duwa ug nakaduhaan kini sa dihang wala niya nakuha ang tam-is nga ‘Yes’ sa iyang uyab sa dihang miluhod kini og mi-propose.
Unang miapil Lukasz sa two-on-one cage fight uban sa iyang partner nga si Patrick Horvath batok kang Jan Michalek.
Nasagmuyo si Lukasz sa ilang kapildihan kay midaog gihapon si Jan bisag duha na sila ni Patrick.
Bisan pa sa pagkapildi sa duwa, si Lukasz nag-propose gihapon sa iyang uyab sa ibabaw sa ring, ug atubangan sa 20,000 ka mga tawo.
Gibati ni Lukasz nga napildi sa ikaduhang higayon tungod sa pagbalibad sa iyang uyab sa iyang marriage proposal.
Ug gawas sa rason nga napildi si Lukasz kay nasayran usab sa babaye nga adunay laing babaye ang MMA fighter.
Apan, gihimakak kini ni Lukasz ang mga alegasyon sa iyang uyab.
