CEBU CITY-Nagpahigayon ug Martsa kontra mina ang pipila ka mga kabanay ug miembro sa mga progresibong grupo gikan sa dakbayan sa Naga paingon sa atubangan sa Cebu Provincial Capitol.
Sa atubangan sa planta sa APO Cemex , mipabuhagay sa ilang ginbati ang mga mi protesta kabahin sa ilang tuyo nga ipahunong ang pag quarry sa Naga ug sa probinsya sa Sugbo.
Matud ni Brother Peter Jardenico , miembro sa Pusyong Kinaiyahan nga , dili na sila gusto nga masubli pa ang nahitabo sa Naga nga mikalas ug daghang kinabuhi samntang daghan pa usab ang gipangita.
Gibarugan sa grupo nga wala nakatampo sa economic development ang mina ug quarry activities sa mga dagkong companiya sa Sugbo, inay nakahatag kini ug peligro sa katawhan nga nagpuyo duol sa site .
Dili usab sila kontento sa 15 ka adlaw nga pagsuspenso sa quarry operations sa rehiyon 7 ug sa 7 pa ka mga rehiyon sa nasud sanglit human sa 15 ka adlaw makabalik raman gihapon sila sa ilang operasyon.
Gikasagmuyo usab sa grupo ang gikaingon nga walay pagtagad sa gobyerno sa yango-ngo sa katawhan hilabi na kadtong nabutang sa peligro.
Samtang ang quarry maoy gitudlo nga hinungdan sa mga residente sa dakbayan sa Naga.Matud ni Donie Largo kinsang lumad nga taga Gray Rock Brgy Pangdan, Naga City nga gumikan sa taud taud na nga quarry operation sa ilang lugar maong hinungdan nga mibigay na usab ang yuta.
Dili usab kini mutuo nga ang sigeg uwan ug ang milabayng bagyo maoy naka ingon sa maong panghitabo gumikan kay matud pa pila na ka bagyo ug linog ang mi-agi apan wala man nahitabo ang ingon ka dako nga landslide kaniadto.
Panghinaot niini nga mahunong na gayud ang cgeg pagkubkub sa yuta sa ilang lugar ug mangita na lamang ug laing trabaho kon panginabuhi-an.
Nagpakiluoy usab ang usa sa mga kabanay nga si Cherry Candol sa mga natabunan sa landslide ngadto na sa mga opisyal sa gobyerno nga kung mahimo makawot ang pamilya sa iyahang ig-agaw nga natabunan sa sitio Tagaytay sa nahisgutang dakbayan
Si Cherry Candol kinsang usa sa mga mikuyug sa gipahigayong martsa kontra Mina gikan sa Naga City paingon sa atubangan sa Cebu provincial Capitol, ang nanawagan ni Naga City Mayor Kristine Chiong nga hatagan ug aksyon ang nahitabo sa ilahang lugar diin daghan ang mga nangamatay. Matud niini nga kung dili kini mahatagan ug aksyon mahimo nga daghan pang kinabuhi ang makalas.
Gibutyag usab niini nga gawas sa pagquarry, usa usab sa sa ilang gi problerma mao ang tumang ka baho nila nga lugar diin nahimong labayanan sa basura sa gray rock Brgy Pandan Matud pa nga mao kini ang hinungdan nganong nangasakit na ang ubang mga tawo sa ilang lugar.
