Maternity shoot sa usa ka iro, gikahimut-an

Nahimong viral ang usa ka Jack Russell terrier nga ginganlag Khloe tungod sa iyang talagsaon ug makalingaw nga “maternity shoot.”

Ang tag-iya sa iro ug photographer nga si Caitlin Snyman nagpahigayon og “maternity shoot” nga adunay pink nga tema alang kang Khloe, uban sa upat niini ka mga itoy nga gipahimutang ibabaw sa iyang tiyan.

Giila si Khloe isip usa ka “paw-ternity star” ug gidayeg tungod sa mamugnaon ug elegante nga konsepto sa maong photoshoot.

Nag-viral ang mga litrato ni Khloe ug nakadawat kini og nagkadaiyang reaksyon; daghan pa gani ang misundog sa iyang “paw-ternity shoot.”