Mattia Furlani, nakalangkat og rekord isip pinakabata nga long jump champion

Nakalangkat og record si Mattia Furlani isip pinakabata nga long jump champion.

Si Mattia Furlani sa Italy gikoronahan nga labing bata nga kampeon sa long jump sa kalibutan.

Ang 20-anyos nga Italyano nga atleta nakadaog sa bulawang medalya sa ambak nga 8.39 metros sa torneyo nga gipahigayon sa Tokyo, Japan.

Nalabwan niini ang record nga gihuptan ni Carl Lewis, kinsa nakadaog sa world title sa edad nga 22 niadtong 1983.

Ang Olympic bronze medalist ug world indoor champion midaog sa ikalimang hugna sa torneyo.