Gikatakdang pasakaan sa Presidential Anti-Organized Crime Commission (PAOCC) og kasong criminal si Bamban, Tarlac Mayor Alice Guo sa mosunod nga mga adlaw.
Kini human nakaplagan sa ahensya ang ebidensya sa kalambigitan sa mayor sa ilegal nga operasyon sa Philippine Offshore Gaming Operators (POGO) sa iyang hurisdiksyon.
Matod sa POGO nga magtagbo ang inter-agency body sunod semana aron hukman ang mga kaso nga ipasaka batok sa mayor kansang nasyonalidad ug personalidad kasamtangang giimbestigahan tungod sa mga anomalya nga nakita sa iyang mga dokumento.
Ang kaso gipaabot nga ipasaka sa Department of Justice karong Hunyo 21 ning tuiga.
Dugang pa sa opisyal sa PAOCC, daghang mga dokumento nga adunay ngalan ug pirma ni Mayor Guo ang nakit-an atol sa ilang imbestigasyon.
