Mo-atubang sa impeachment court si Davao City Mayor Sebastian “Baste” Duterte aron tubagon ang mga pangutana kalabot sa mga transaksyon sa Davao City government sa kumpanyang adunay gideklarang pinansyal nga interes sa igsuon niini nga si Vice President Sara Duterte.
Gimanduan sa Senate Impeachment Court si Baste nga magdala og mga rekord sa transaksiyon sa Davao City government ug Gencorp Industries Inc. gikan sa 2020 hangtod sa kasamtangan.
Sumala sa House prosecutors, lakip ang Gencorp sa mga kompanyang gideklara ni Sara Duterte nga adunay pinansyal nga interes sa Statements of Assets, Liabilities and Net Worth niini.
Plano usab sa prosecution nga pangayo-on sa Impeachment Court nga ideklarang hostile witness si Baste. Ug kon gani tugotan, posible ang mga niini nga mogamot og mas direktang mga pangutana sa pagkuha sa testimonya niini, apan anaa gihapon ang desisyon sa Impeachment Court.
Parte kini sa Article II sa impeachment case, kinsa nag-alegar kang Sara Duterte nga wala niini gibuhian ang iyang mga interes sa negosyo ug nagpadayon sa pag-apil sa mga kalihokan sa negosyo samtang nagserbisyo isip Bise Presidente.
