LAPU-LAPU CITY-Muhimo og ‘indepedent investigation’ si Lapu-Lapu City Mayor Jonard Ahong Chan kalabot sa nahitabong kontrobersiya sa Lapu-lapu PNP ug sa sakop sa Alpha Kappa Rho (Akrho) diin nakuhaan pa kini og video nga nangulata ang pulis ug nagviral na.
Kini human usab nga mibisita ang 4 ka sakop sa pulis nga nalambigit sa pagpangulata ngadto sa opisina sa mayor agi ug pagpahibalo nga sila girelibo. Matud sa Mayor nga iyang gitahasan si Konsehal Rex Manggubat ug Johnny Dela Cerna aron maoy mupahigayon sa imbestigasyon.
Gikasubo matud pa kini sa mayor gumikan kay nalambigit niini ang mga pulis sa iyang dakbayan ug ingon man ang Akrho nga dako ug natabang sa ilang dakbayan.Gi-angkon ni Chan nga didto siya sa maong venue apan wala na kini masayod nga naa diay nagkagubot sa gawas.
Boot sa mayor karon nga huwaton nalang ang resulta sa imbestigasyon ug mas maayo nga e-settle nalang kini.
Samtang, misugyot na usab ang mayor nga sa sunod nga dunay kalihokan sama sa gihimo sa Akrho sa Lapu-Lapu,likayan na ang pag-inom gamit ang mga botelya sanglit delikado kaayo kini nga gamiton sa gubot sa panahon nga mangahubog na.
