CEBU CITY – Padayon ang pagberipikar sa kampo ni Board Member Niño Rey Boniel sa taho nga buhi si Bien Unido Mayor Gisela Boniel ug anaa lang kini sa Dubai.
Gibutyag ni Atty Gerry Carillo, usa sa mga legal counsel sa board member, nga nakadawat sila sa maong taho apan ilaha una kini nga iberipikar ug ugaling tinuod man gani hayan ilaha kining magamit sa trial.
Matud pa nga adunay daghang posibilidad ug usa na niini nga kung buhi man gani ang mayor posibling nag-backdoor kini hinungdan nga dili gayud mo reflect nga migawas kini sa Pilipinas.
Giingong posibling adunay nagpasibat sa mayor.
Giangkon ni Carillo nga maglisod sila pag-trace niini ilabi na og nag-agi kini og backdoor.
Hinuon, giklaro ni Carillo nga ang tanan gikinahanglan pa og beripikasyon arun nga masuta kung tinuod o dili ang maong taho.
