CEBU CITY-Gikalipay ni Cebu City Mayor Edgardo Labella nga si Gen. Roy Cimatu ang nahimong COvid-19 Task Force Chief sa Sugbo.
Gihangop ni Labella nag pagbisita ni Cimatu sa dakbayan diin kagahapon, Hunyo 23,2020 nagpahigayon sila og panagpulong alang unya sa mga lakang nga ipatuman sa dakbayan kalabot sa covid situation sa Sugbo.
Matud pa ni Labella nga dili usab niya makwestyon ang ‘wisdom’ kun kaalam ni Presidente Rodrigo Duterte human nga kini midapala ni Cimatu sa Sugbo isip bagong task force chief.
Sanglit daghan na matud pa og record si Cimatu kinsang maoy nakapalimpyo sa Boracay sulod sa 6 ka buwan. Gani gikalipay pa sa mayor nga concern ang presidente sa Sugbo hinungdan nga nagpadala kini og ‘reinforcement’.
Sa laing bahin, malipayon usab nga gitaho sa mayor nga sa Sitio Alaska Mambaling diin dunay 697 covid-19 positice cases, nakarecover na ang kapin 600 ug sa pagkakaron 17 nalang ang nagpositibo.
Samtang ang 200 usab ka mga asymptomatic sa Sitio Zapatera, Barrio Luz , 15 na lang ang active cases.
‘Dili maka-apektar sa Cebu Province’
Gitataw ni Cebu Provincial Governor Gwendolyn nga dili maka-apektar ang ECQ status sa Cebu City sa GCQ status sa Cebu Province diin nagpasalamat usab si Garcia kang Cimatu nga nakapadayag usab sa iyang appeal nga i-down grade kini ngadto sa Modified General Community Quarantine (MGCQ).
Subay niini dako usab matud pa ang matabang ni Cimatu kabahin niini sanglit taud-taud pa usab kini nga mag-istar sa Sugbo ug dako kini nga opurtunidad nga makit-an gyud sa mga opisyal ang klarong kahimtang sa Sugbo taliwa sa covid-19 pandemic.
