CEBU CITY-Personal na gipasalamatan ni Cebu City Mayor Mike Rama ang Philippine Coast Guard tungod sa dakong tampo niini sa nagmalampuson nga Sinulog karong tuiga atol sa gipahigayon nga “Change of Command Ceremony” sa Coast Guard District Central Visayas gahapon, Marso 4, 2024.
Nasayran nga ang maong kalihokan alang sa pag-abi-abi sa bag-ong Commander sa CGDCV nga mao si Commander Christopher Meniado, nga nihulip kang Commander Agapito B. Bibat.
Gani atol sa maong kalihokan, usa ang mayor sa dakbayan sa Sugbo ang gipasidunggang dinapit.
Matud ni Mayor Rama, nga dili mamahimong magmalampuson ang Sinulog 2024 kon wala usab ang pakigtambayayong ug tabang sa lokal nga kagamhanan ang CGDCV.
Sa maong okasyon, mihatag usab si Rama og gamay nga imahen sa Sto. Niño ngadto kang Vice Admiral Allan Victor T. DelaVega, ang deputy commandant for administration sa Philippine Coast Guard.
Ingon man nga usa sa mga nisaksi sa gihimong Change of Command, naggikan pa sa kaulohan mao si Dela Vega.
