CEBU-Hugot nga nibarog sa iyang desisyon si Cebu City Mayor Michael Rama nga ipahigayon ang Sinulog Festival Grand Parade ug Ritual Showdown sa South Road Properties (SRP) karong Enero. 15, 2023, nag-aghat kang Gov. Gwendolyn Garcia nga tumanon ang iyang gisaad nga i-withdraw ang mga contingent sa Probinsiya sa Sugbo sa maong kalihukan.
Sa usa ka press conference kagahaon Enero 13 2023, si Rama wa mapakyas sa pag-anunsyo ni Garcia niadtong Huwebes sa gabii nga 10 ka contingents, apil na ang independente nga dakbayan sa Lapu-Lapu, ang mo-withdraw sa ilang partisipasyon sa kalihukan kon adto kini ipahigayon sa SRP.
Kini magbilin na lang og 12 sa 22 ka grupo nga gikatakdang mopasundayag sa culminating activity sa One Cebu Island Sinulog Festival 2023.
Niadtong Huwebes, si Garcia niingon nga iyang gikontak si Rama sa sitwasyon sa pipila ka mga konstituwente nga naglisod sa pagpraktis sa SRP tungod sa baga nga lapok ug aspalto pa nga gipahimutang sa dapit, apan hangtod alas 9 sa gabii, wala pa gihapon siya makadungog niini.
Bisan paman niini si Garcia nipasalig nga ang Sinulog Foundation Inc. makadawat gihapon sa P20 milyones nga hinabang pinansyal nga gisaad sa Kagamhanan sa Probinsiya sa Sugbo.
Gibutyag usab ni Rama nga wala nay igong panahon pa nga ipangbalhin ang mga gamit sa Cebu City Sport Center gummikan sa kahagaip-ot sa panahon.
