CEBU CITY-Gipasabot ni Cebu City Mayor Michael Rama nga preparasyon alang sa Sinulog 2024 ang kalihokan nga ipahigayon sa umaabot nga Independence Day 2023.
Matud sa mayor nga ang umaabot nga dakong kalihokan kay may kalabotan sa culture, arts, heritage ug ang kasaysayan sa dakbayan sa Sugbo nga importanti nga ma-highlight usab alang sa turismo.
Gidugang pa ni Mayor Rama nga usa usab kini sa lakang sa pagkab-ot sa ambisyon niini nga Singapore-like Cebu City pinaagi sa paghatag ug mga kongkreto nga resulta.
Gawas niini, gipahibalo sa opisyal nga adunay daghang mga umaabot nga aktibidad sa dakbayan alang sa pagpalambo sa turismo sa dakbayan.
Samtang, gidepensahan usab sa mayor ang P11.5 million nga budget sa Independence Day diin sigon pa, kung walay dakong budget, walay selebrasyon.
Giingong walay angayan nga kabalak-an ang katawhan kay dili mupaingon sa iyahang bulsa ang maong pondo.
