Cebu City-Gikumpirmar ni Police Sr. Supt. Jonathan Cabal nga patay na si Buen Unido Mayor Mayor Gisela Bendong-Boniel human kini giingong gikidnap sa iyahang kaugalingong bana nga si Board member Niño Rey Boniel , kagahapon sa kaadlawon. Apan hangtud karon gipangita pa sa kapulisan ang patayng lawas sa Mayor nga giingong gilabay human kini ang mapatay.
Naa naman sa kustodiya sa RID si Board member Niño Rey Boniel aron ipaubos sa imbestigasyon human kini ang masikop sa mga orotidad kagabie.
Gisaysay naman ni Angela kinsang kauban ni Mayor Gisella sa dihang nahitabo ang insidente, nga gikan sila sa Cebu City ug nipahuway lamang sila sa Puerto San Pedro Dive Camp sa lungsod sa Buen Unido niadtong June 6. Nakuratan na lamang sila sa dihang misulod sa ilang lawak ang 6-8 ka mga tawo ug gihiktan ang ilang kamot. Nadungug pa ni Angela si Mayor Gisela nga nagpakiluoy sa iyang bana nga dili lang hilabtan ang ilang bana.
Gihatud matud pa sa driver si Angela kauban ang iyang anak sa pantalan sa Tubigon ug wala na kini balita kung unsa ang nahitabo kay Mayor Gisela.
Gihimakak naman ni Board member Boniel ang maong insidente.
