CARMEN, CEBU-Gipasakahan og kaso gikan sa usa ka negosyante si Carmen, Cebu Mayor Carlo Villamor human sa giingong pag-abusar sa gahum niini.
Ang gipasakang kaso kay mao ang “grave misconduct ug graft charges” tungod sa pagdumili sa buhatan sa mayor nga muisyu og business permit sa patigayon sa usa ka negosyante sa maong lungsod.
Gipasaka ang kaso ni Richard Rendal Sarad, lumulupyo sa Barangay Cogon East sa lungsod sa Carmen sa amihanang bahin sa probinsya sa Sugbo kinsa miangkon nga gibalibaran og pag-isyu sa business permit sa buhatan sa mayor kay matod pa duna daw kuwang sa resikitos apan wala man kini nakalista sa requirement sa municipal treasurer.
Usa ka negosyante sa produktong bugas ug mais si Sarad ug aduna pud patigayon nga usa ka kan-anan nga niadtong tuig 2019, 2020, 2021 kay na-isyuhan man siya ug business permits apan wala na tugoti ma-isyuhi niadtong 2022 ug 2023.
Misuway pag-usab ug sumiter sa dokumento si Sarad karong tuiga ug sa backlog nga buhi sa milabay nga duha ka tuig apan gibalibaran gihapon sa buhatan sa Mayor.
Niadtong Mayo 15, nakadawat na kini ug cease-and-desist order gikan sa buhatan sa mayor hinungdan sa pagkasirado sa iyang Negosyo.
Gisegundahan ni Sarad sa pagpangutana niadtong Hunyo 24 ug nganong dili gud siya hatagan sa maong permit apan gitubag lang siya nga tungod walay “lessor’s permit” hinungdan nga dili muhatag ug business permit ang opisina sa mayor.
Gilalis niini nga dili man kini langkob sa dokumneto nga requirements para pagkuha sa business permit apan gibungol-bungolan lang siya.
Hinungdan nga daghan sa iyang trabahante ang nawad-an ug trabaho ug mitumong nga ang gibuhat sa mayor kay pandaug-daug ug pang-abuser sa gahom nga tumong sa iyang pagpasaka sa kaso.
Kasamtangang wala usa mihatag sa iyang habig si Mayor Villamor sa maong isyu.
