Mayor sa Mexico, patay human gipusil sulod sa city hall

Patay ang usa ka mayor sa Mexico human siya gipusil sulod sa city hall.

Giila ang biktima nga si Mayor Valentin Lavin sa lungsod sa Temorac, nga anaa sa sulod sa iyang opisina sa dihang gipusil siya sa usa ka wala pa mailhing suspek.

Gidala pa siya sa ospital aron matambalan, apan gideklarar siyang patay sa mga doktor.

Si Lavin, nga kaalyado ni President Claudia Sheinbaum sa leftist party, nakaluwas na kaniadto sa usa ka pagsulay sa pagpatay kaniya niadtong Enero.

Padayon ang imbestigasyon sa mga awtoridad aron mailhan ang mga suspek ug matino ang motibo sa maong pagpamusil.