Mayor sa Paris, milangoy sa Seine River aron pamatud-an nga limpyo kini ug magamit sa Olympics

PARIS-Gituman ni Paris Mayor Anne Hidalgo ang iyang saad nga molangoy siya sa Seine River.

Gipahigayon sa mayor ang paglangoy aron pamatud-an nga limpyo ang suba nga mao’y gamiton sa Paris Olympics.

Gawas sa paglangoy, ni-dive pa ang 65-anyos nga mayor diin iyang gipanghambog nga nalimpyohan na ang suba.

Usab sa miaging semana ang French Sports Minister nga si Amélie Oudéa-Castéra milangoy sa samang suba.

Mao kini ang ilang pamaagi arun sa pagsiguro nga ang triathlon event nga ipahigayon sa suba, luwas ug dili angay nga kabalak-an bisan paman nga sa ulahing water testing, taas gihapon ang E.coli niini nga delikado sa panglawas sa mga atleta.