Gipaningkamutan nga mahatagan sa mga hinabang ang tanan sa simple ug paspas ang mga residente sa San Remigio, usa sa mga hilabihang naapektuhan sa linog.
Kini ang gikanayon ni San Remigio Mayor Mariano Martinez atol sa pakighinabi sa Bombo Newsteam kinsang nipasalig nga mahatagan ang angay nga mahatagan sa mga cash assistance human sa mga relief goods.
Apan, gihangyo niya ang iyang gidumalaan nga patas-an pa ang pasensya gumikan adunay kinahanglan nga sundon nga proseso hilabi na nga gikan sa kaulohan ang mga hinabang.
Napaambit usab sa mayor nga adunay mga nadawat ang ilang buhatan og mga reklamo kabahin sa mga pag-assess sa mga naguba nga kabalayan diin ang totally damage kay giingong partially damage lang, apan nipasalig ang mayor nga kini subay lang sa proseso apan kung Nakita usab ni Martinez nga totally damage ang balay kay dili siya magduha-duha nga ihatag ang hinabang nga angay ug tukma sa sitwasyon.
Samtang, sugod karong adlawa kay ipang-apud-apod ang emergency cash transfer gikan sa Department of Public Works and Highways.//
Diin basi sa inisyal nga datos adunay kapin sa 700 ka pamilya ang mahatagan ug sugod niana kay magsunod-sunod na ang panghatag sa mga hinabang.
Sa pikas bahin, gipahibalo usab sa Department of Human Settlements and Urban Development nga ilang dungagan ang mga modular housing sa Tent City sa amihanang Sugbo.
