MCIA, balik na sa normal nga operasyon human sa runway repairs niini

Nibalik na sa regular nga flight operations ang Mactan-Cebu International Airport (MCIA) human sa paghuman sa pag-ayo sa runway sa maong tugpahanan niadtong Sabado sa gabii, Hulyo 12, 2025.

Sumala pa sa giluwat nga advisory niini nga ang immediate repair work sa primary runway kay nagmalampuson niadtong las 7:30 sa maong adlaw og balik ba sa ilang full operations.

Daghang mga flight ang nakansela o nalangan tungod sa temporaryo nga pagsira sa runway kaniadtong Sabado sa hapon tungod sa nadaot nga semento sa runway.

Ang tugpahanan sa Mactan-Cebu, nga nagdumala sa 11.3-milyones nga mga pasahero sa miaging tuig diin mao kini ang ikaduha nga labing busy nga ganghaan sa nasud sunod lang sa Ninoy Aquino International Airport ngadto sa Pasay City.