Mipasalig ang Metropolitan Cebu Water District (MCWD) nga adunay igong supply sa tubig alang sa mga billeting centers sa mga contigents karong Sinulog 2026.
Matud ni Minerva Gerodias, ang Tigpamaba sa MCWD, kini subsob ang ilang gihimo nga rehabilitasyon sama nalang sa naayo na nga Jaclopan dam, ingon man nga gilauman usab nga ma-normalize na ang Lusaran dam.
Busa, nipasalig kini nga igo ang tubig alang sa mga contigents sa Sinulog 2026, ug anaa usab ang water station sa mga ruta atol sa solemn prosesyon.
Mohatag usab sila og tubig ngadto sa devotee city gumikan subay kini sa ilang tinuig nga naandan matag pagsaulog sa Sinulog 2026.
Sa pikas bahin, gipasabot usab ni Gerodias nga ang nadawat nga mga taho kalabot niadtong Palaro nga nagkuwang og tubig kay giklaro niini nga dili sakop tanan sa MCWD ang mga tunghaan nga gigamit isip billeting centers gumikan aduna silay kaugalingong wells.
Ingon man nga nisuporta sila pinaagi sa pagbutang og mga water trucks niadtong higayona hilabi na nga normal gayud nga magkuwang tungod daghang tawo ang mokunsumo og mogamit.
