CBU CITY-Gihatagan og katin-awan sa Metropolitan Cebu Water District (MCWD) ang pagkangangha sa mga konsumidor sa giingong aduna’y pagsaka sa singil sa ilang mga bayranan.
Gipasabot ni Minerva Gerodias, ang tigpamaba sa MCWD nga padayon gihapon ang dagan sa ilang metro tungod sa access niini sa water connection bisan paman nga nihinay ang ilang agas o wala sila’y agas.
Dugang pa niini, nga kon gani tibuok buwan kay wala’y agas ug wala nimo gipaputol ang imong pagkonektar sa tubig kay nagpasabot gihapon kini nga active ang imong account ug kinahanglan gihapon ka nga mobayad.
Gipasabot usab ni Gerodias ang kalahian sa Power Cost Adjustment ug Purchase Water Adjustment sa susamangmga component sa bill sa water district.
Diin ang Power Cost Adjustment o PCA kay mao ang gasto o nagamit sa MCWD nga energy sa pag-produce og tubig nga kinahanglan nga dunay bahin ang mga konsumidor sa pagbayad niini.
Samtang ang Purchase Water Adjustment o kon PWA nagpasabot nga adunay bahin usab ang mga konsumidor sa pagbayad sa gasto sa MCWD sa pagpalit sa bulk water supplier.
