CEBU CITY-Taliwa sa pag-uwan uwan nga nasinati sa kabisay-an subay sa pagsulod sa La Nina Phenomenon nga direkta miapekto sa Sugbo hilabi na sa dakbayan, hinay hinay usab nga misaka ang water level sa mga dam ug sa mga kahinungahaan ug tubig sa MCWD.
Giklaro ni Minerva Gerodiaz ang tigpamaba sa MCWD nga aduna gihapoy deficit o kakuwang sa tubig dinhi sa metro cebu diin sa datos sa maong buhatan nakuhaan na ug katunga ang water deficit o kakuwang sa tubig gumikan sa pag-uwan nga nasinati.
Bisan paman niini wala gihapon nahuman ang pag-apod apod ug tubig ang MCWD ngadto sa mga barangay nga anaa sa bukiran ug sa mga barangay nga padayung nakasinati sa water interruption ingun man water shortage
Kung kahinumduman nga sa milabayng buwan nakasinati ug grabing kainit ang tibuok nasud gumikan sa El Nino rason nga mihubas usab ang mga dams ug ground water nga miresulta sa taas nga demand sa tubig gumikan sa kanihit niini.
Apan sa pagkakarun gibuhat sa MCWD ang hingpit nga monitoring sa water production ngadto sa mga dam ug lain pang water sources.
Dugang pa ni Gerodiaz nga padayun ang ilang desilting activies ug ingun man ang pagpalambo sa mga dam harung mahatagan ug solusyon ang maong problima.
Gawas niini mipahimangno usab ang mcwd nga bisan paman sa pag-uwan batasanun gihapon ang pagdaginot sa tubig harung makatipid ug makaminos sa bayrunon.
