Mipahimangno ang usa ka doctor sa pagtumar ug mga ‘over-the-counter’ nga mga pain reliever.
Gibutyag ni Dr Rene Josef Bullecer nga daghang mga pain reliever nga mapalit lang sa mga botika apan adunay pipila usab ang nagkinahanglan gayud ug resita sa doctor.
Matud pa, ang pag-inom ug pain reliever kay gikinahanglan ang walo ka oras nga ‘time interval’ ug dili kini mahimong doblehon sa pag-inom gumikan kay makadaut kini sa uban nga mga organs sama na lang sa atay ug kidney.
Gawas pa, ang nanghinobra nga pagtumar ug pain reliever kay mahimong mo resulta sa gastric ulcer hinungdan nga gikinahanglan nga ka-usa lang sulod sa walo ka oras ang pagtumar niini.
Kung ugaling nagpabilin sa gihapon ang sakit bisan pa man sa pag-inom ug pain reliever, giingong posibli nga i-upgrade sa doctor ang dosage niini, apan ilahang siguradahon nga luwas lang kini alang duha ka mga importante nga organ sa lawas, ang atay ug kidney.
