CEBU CITY-Viral karon ang usa ka video kung diin makita nga gikulata sa mga nakasibilyang pulis ang gidakop niining mga lalaki sa may Lapu-lapu city market.
Sa nakuha nga impormasyon sa Bombo Radyo, nasayran nga miyembro sa usa ka fraternity nga Alpha Kappa Rho (Akrho) ang giingong gikulata sa Lapu-lapu City PNP. Sa pakighinabi usab sa Bombo Radyo Cebu kang Richard Buscayno, ang board of trustee sa Akrho, gikwestyon niini ang paagi nga gihimo ug ang pagpangulata sa mga pulis.
Makita sa video nga dunay gidakop ang pulis samtang milabay lang ang miyembro sa Akhro nga daw sama nga nahibulong usab sa nahitabo. Apan taud-taud pa gigukod usab sa mga pulis ang mga akrho members ug gikulata.
Naila ang gikulata nga si Paul Jay, ang presidente sa naasoy nga fraternity.Sigon ni Buscayno nga gikan pa sa Bloodletting sa Bombo Radyo Cebu ang mga Akhro members ug pagkagabii nagsponsor kini og concert sa Lapu-Lapu city.
Gitino usab ni Buscayno nga si Paul Jay nagdala pa og karton nga dunay sulod nga hamburger para snack unta apan kalit lang kini nga gigukod ug gikulata.Nasayran usab nga dunay matud pay sulod nga 50,000 pesos ang bag sa mga gikulata apan 12 mil pesos nalang ang nahabilin.
https://www.facebook.com/klaierbeauty12/videos/125085748918451/ (link sa video)
Gihimug-atan usab ni Buscayno nga kung ugaling man duna’y sala ang ilang grupo, dili sila mulikay ug ila kining atubangon apan dili gihapon makatarunganon ang gipakita sa nga pulis nga nangulata.
Human nga nagviral ang video, duna usab migawas nga taho nga ang pulis miyembro usab sa Tau Gamma Phi kansang nasayran nga kontra sa Akrho.
