TALISAY CITY, CEBU-Nadakpan na sa kapulisan sa dakbayan sa Talisay ang usa sa mga responsable sa pagpusil patay sa usa ka Emerina Barias, 42-anyos sa sitio Bugnay, Barangay Jaclupan sa Miyekules sa kaadlawon.
Ang suspetsado usa ka 17-anyos nga taga Sitio Cantican, Barangay Tapul sa dakbayan sa Talisay.
Giangkon sa menor nga apil siya sa pag-adto sa balay sa biktima apan dili unta kini ang target sanglit ang anak niini nga si Jurem tungod kay naa kini utang sa iyang kauban.
Human mapusili ang biktima dali sila nga nanagan apan iyang nasugatan si Jurem ug gitigbas siya niini nga mi resulta sa pagka samad sa iyang suwang.
Sa pikas bahin, gitino ni Police Lieutenant Colonel Randy Caballes hepe sa Talisay City Police Station nga ang usa palang ang ilahang nadakpan ug gipangita pa ang laing sa duha nga suspek sa pag pusil, pag turture ug pagbali sa bokton sa biktima.
