Viral karun sa social media ang talagsaong menteryo nga nahimutang sa Nambaran Artistic Tomb sa Tabuk City gumikan sa katalagsaon niini ug nagsilbing adunay duha ka katuyoan una usa ka pahulayanan alang sa mga patay ug ikaduha usa ka atraksyon sa turista alang sa mga buhi.
Gikan sa naandan nga puti nga rectangular nga lubnganan nga atong makita sa mga sementeryo, ang mabulukon nga mga niches nga pormag barko, chopper, salampati, cake, sapatos, eroplano, bibliya, kabayo, simbahan, van ug uban pa ang gipakita sa usa ka sementeryo sa daplin sa highwayug nakakuha sa atensyon sa publiko nga moagi sa dapit.
Dili kini mga display ug tinuod nga mga lubnganan nga adunay mga mitaluwan apan gihunahuna sa mga pamilya nga himuon base sa gibuhat o gikalipay sa ilang mga minahal sa kinabuhi ang nitso.
Matud pa nga ang mga lubnganan naghulagway sa mga pangandoy, mga damgo, mga gusto, propesyon ug mga paboritong butang nga gipanag-iya sa namatay sa panahon sa ilang kinabuhi, nga nagpabilin sa ilang maayo ug malipayon nga mga handumanan sa kalibut
Gibutyag sa Mayor nga ang sementeryo natukod niadtong 1986 sa lote sa gobyerno para sa mga residente.
Matod niya nga ang Tabuk, usa ka lungsod kaniadto, naghimo og ordinansa nga nagdili sa paglubong sa mga patay sa ilang nataran, nga maoy tradisyon sa rehiyon sa Cordillera.
Saysay niini nga ang pagbutang og mga disenyo sa mga lubnganan wala nakalapas sa kultura kon dili usa ka paagi sa pagtuman sa mga pangandoy sa mitaliwan nga sakop sa pamilya ug gibuhat kini sa uban aron mahinumdoman ang maayong mga kaagi bahin sa ilang namatay nga kabanay.
