CEBU CITY-Magtukod ang Metropolitan Cebu Water District (MCWD) ug usa ka bag-ong septage treatment facility nga makapalapad sa kapasidad sa pag-treat sa waste water o biya nga tubig gikan sa septic tanks.
Nakadawat ang MCWD ug P800 milyunes gikan sa Japan International Cooperation Agency (Jica) alang sa pagtukod sa bag-ong septage management project.
Giingong ang maong septage treatment facility tukoron sa North Reclamation Area sa dakbayan sa Sugbo ug gikatakdang mahuman kini sa tuig 2026.
Gibutyag ni MCWD general manager Edgar Donoso nga kung mahuman ang nahisgutang proyekto, ang MCWD maka-treat na ug wastewater nga muabot sa 530 cubic meters matag adlaw gikan sa kasamtangang 100 cubic meters.
Ang 800 milyon pesos gamiton alang sa septage treatment facility, vaccuum trucks ug dump trucks.
