Gitawag nga posibleng labing dakong isyu sa korapsyon sa kasaysayan sa Pilipinas ang mga anomalosong flood control projects.
Hinungdan nga ilang gitan-aw ang tanang angulo ug kinahanglan pa nga mag-overtime ang Department of Justice sa pagtuon sa tanang pamahayag ug mga ebidensya nga gibutyag sa magtiayong Discaya.
Kini human nibalik sila si Sarah ug Curlee Discaya sa buhatan sa Department of Justice aron ipadayon ang ebalwasyon sa ilang mga testimonya kalabot sa anomaliya sa flood control project.
Ingon man nga gipaambit ni Justice Secretary Jesus Crispin Remulla, nga kasamtangang giatiman na sa DOJ ang mga testimonya ug mga dokumento sa magtiayon, apan moabot ang panahon nga ila usab nga susihon ang mga kahimanan.
Dugang pa ni Remulla nga dili igo ang testimonya lamang ug gikinahanglan ang uban pang mga butang sa pagsuporta niini.
Subay niini, ugmang adlawa gipaabot nga mobalik pa sa DOJ ang magtiayong Discaya aron ipadayon ang ebalwasyon sa ilang mga pamahayag ug ebidensya.
