‘Mga armado nga tawo nga naka-engkwentro sa militar sa Bohol, nasuta na’

CEBU CITY- Gikumpirmar ni Brigadier General Francisco Delfin, ang assistant commander of 3rd Infantry Battalion nga usa ka miyembro sa CPP-NPA ang 14 ka armado nga tawo nga naka-engkwentro sa tropa sa gobyerno sa Barangay Campagao, lungsod sa Bilar, probinsya sa Bohol.

Matud ni Delfin nga dako ang iyang pasalamat sa mga residente sa maong dapit gumikan nga nakig-kooperar man kini nila.

Una na nga naka-engkwentro ganinang sayo sa buntag ang maong mga armado nga tawo sa mga tropa sa gobyerno.

Diin milanat ug dul-an 30 minutos ang binayloay ug buto sa duha ka grupo, nga miresulta sa pagkasamad sa duha ka sundalo.

Sa pagkakaron, padayun pa gihapon nga gigukod sa otoridad ang matud pa CPP-NPA nga armadong tawo nga anaa sa probinsya sa Bohol.