Cebu City– Gibana-banang mukantidad og 3 milyon pesos ang mga narekober nga mga spare parts sa armas ug mga makina nga gigamit sa paghimo niini ang narekober sa kapulisan sa gipahigayon nga entrapment operation sa dakbayan sa Danao.
Ang susbject sa operasyon mao si Glenn Avila Capoy, residente sa Brgy Sandayong Sur, sa nahisgutang dakbayan. Matud ni Police Chief Supt Debold Sinas nga dugay na nilang ginid-an ang mga iligal nga nga mamuhatay ug mga armas sa Danao gumikan na usab sa sunud sunud nga pagkasikop sa mga personalidad nga misulay sa pagpalusot sa mga paltik nga armas pagawas sa Sugbo.
Narekober sa kapulisan ang kapin sa 10 ka mga assembled firearms sa caliber 38, caliber 45 pistol ug caliber .357, mga armas nga wala pa ma assemble, mga magazine, bala ug mga ekipo nga gigamit sa paghimo og armas.
Posible nga gamiton sa nag singabot nga eleksyon ang mga armas nga nasakmit sa mga kapulisan sa dakbyan sa Danao. Matud ni Sinas nga dako gayud ang posibilidad nga gamiton kini sa mga private armed groups nga e utilize usab sa nagsingabot nga eleksyon.
Gumikan niini gibutyag sa regional director nga ang maong operasyon ang sugud palang sa ilang gipakusgan nga operasyon sa batok sa criminalidad ug mga lose firearms ubos sa Oplan Paglalansag program sa PNP .
Giangkon usab sa subject nga si Glenn Capoy ang kalambigitan niini sa iligal nga negosyo.
Matud ni Capoy nga nga mao ra bkini ang iyahang panginabuhi-an ug 20 ka tuig na siya nga nagtrabaho sa iyahang amo.
Dili matud pa siya ang tag -iya sa shop nga gi raid inay usa lamang kini ka trabahante.
