Gikataho sa buhatan sa Philippine Statistics Authority – Central Visayas (PSA-7) nga ang mga babayeng trabahante sa rehiyon kay adunay mas taas nga average monthly wage kun itandi sa mga lalaki niadtong tuig 2024.
Kini subay sa pinakaulahing Occupational Wages Survey (OWS) sa PSA-7 diin sumala pa nga ang mga babayeng trabahante adunay average nga sweldo sa P19,290 per month sa tanang mga okupasyon ug industriya nga bintaha og mas taas kaysa sa P18,995 average monthly wage sa mga lalaking mamumuo.
Matod pa ni PSA-7 Chief Statistical Specialist Engr. Leopoldo P. Alfanta Jr. nga kini nga regional trend nagsusama sa nasudnong numero.
Gani sa national level, ang mga babayeng trabahante adunay average monthly wage sa P22,236 samtang ang mga lalaki kay aduna lay P21,009.
Ang maong survey kay nagtaho sa gender wage gap sa rehiyon nga anaa sa -2.1% samtang sa national level kay miabot sa -5.8%.
Gihimug-atan sa PSA-7 nga ang datos naghulagwat sa ekonomikanhong partisipasyon sa mga kababaynhan sa pamuo ug ingon man ang pagdalit og giya sa mga polisiyang nagsuporta sa gender equality sa pagpanarbaho.
Ang 2024 OWS nagsilbing nagsangpit sa mga employers, policymakers, ug stakeholders sa pagporma og mga programa nga nag-promote sa patas nga pagpangsweldo.
