Mga baril sa krudo gikatahong ilegal nga gibaligya sa Compostela

CEBU – Nasakmit sa mga ahente sa National Bureau of Investigation (NBI) CEBDO-Mandaue City sa Brgy. Canamucan, Compostela, amihanang Sugbo sa alas 3 sa hapon niadtong Miyerkules, Hunyo 1, 2022 ang mga baril sa krudo nga gikatahong ilegal nga gibaligya.

Atol sa gihimong pagraid nasikop usab sa otoridad ang ta-iya ug tulo ka mga trabahante.

Nangulo sa raiding team mao sila si Special Investigator 4 Bienvenido Panican, NBI Executive Officer for Operation, Special Investigator Agapito Gierran, ang Executive officer for Administration, Agent Arnel Pura, ang Agent-in-Charge sa NBI Mandaue, ug uban pang mga operatiba.