Nagpabiling layo ang mga barko sa China atol sa joint maritime exercises nga gihimo sa Pilipinas ug France sa miaging semana.
Matud sa tigpamaba sa Philippine Navy for West Philippine Sea nga si Rear Admiral Roy Vincent Trinidad, nga walay mga barko sa People’s Liberation Army Navy, China Coast Guard o maritime militia duol sa nahimutangan sa multilateral cooperative activity tali sa French Navy ug Philippine Armed Forces.
Dugang niini nga ang mga barko sa China nagmintinar sa gilay-on nga kapin 120 nautical miles.
Gipahibalo ni Trinidad nga ang kakuwang sa presensya sa mga barko sa China sa joint drills nagpakita sa mga benepisyo sa internasyonal nga kooperasyon sa rehiyon.
Namatikdan usab niya nga ang ‘ilegal ug mapugsanon nga mga aksyon’ sa mga barkong iggugubat sa China mohinay sa matag higayon nga adunay mga multinational exercises sa ubang mga nasud.
