Mga barko sa China nakit-an sa Sabina Shaol nga adunay mga dugmok ug patay nga mga corals – PCG

Kapin sa 40 ka mga barko sa China ang nakit-an sa Philippine Coast Guard (PCG) sa Sabina o Escoda Shoal nga gilabayan sa mga patay ug nadugmok nga mga corals.

Asoy ni PCG Commodore Jay Tarriela nga basi sa gihimong monitoring sa BRP Teressa Magbanua sa Sabina Shoal sa niaging 26 ka adlaw.

Lakip sa nakit-an ang 34 ka Chinese Maritime Militia, 4 ka barko sa China Coast Guard, 3 ka Research vessel, 3 ka Peoples Liberation Army Navy vessel, ug 1 ka PLA Navy helicopter.

Dugang pa ni Tarriela nga nasigpatan usab sa maong dapit ang mga Chinese divers nga daw adunay gisukod sa lugar.

Subay niini, mipasalig ang opisyal nga padayon ang ilang pagmonitor sa Coast Guard sa maong mga barko aron mamonitor ang kalihokan sa China sa naasoy nga dapit.