Hilabihan kadako nga pagdayeg gikan sa mga benepisyaryo sa nagkadaiyang proyekto ubos sa flagship National Housing for Filipinos (4PH) program ni Presidente Ferdinand R. Marcos Jr.
Ang Department of Human Settlements and Urban Development (DHSUD) padayong nagtugyan sa 4PH units ngadto sa mga benepisyaryo sa nagkalain-laing dapit sa nasod.
Sa Palayan City Township Project sa Nueva Ecija, gatusan ka mga benepisyaryo ang naproseso, samtang ang uban karon nakatagamtam sa mga pasilidad sa 23-ektaryang 4PH nga proyekto sa Barangay Atate.
Sa Mindanao usab, ubay-ubay na nga mga proyekto sa 4PH ang anaa na usab sa mga advanced stages sa pagkompleto, diin ang mga unit gitugyan na ngadto sa mga benepisyaryo.
Lakip niini ang People’s Ville sa Davao City, Davao del Sur, ug Valley View Township sa Tagoloan, Misamis Oriental, diin ang mga benepisyaryo nagsugod na sa pagbalhin.(Bombo Irene Ardiente)
