CEBU CITY- Nanghinaot ang mga biktima sa sunog nga miigo sa Barangay Ermita ning dakbayan sa Sugbo nga makabangon sila human sa katalagman nga miigo sa ilang mga panimalay niadtong Sabado de Gloria sa gabii, Abril 4, 2026.
Base sa eksklusibong pakighinabi sa Bombo Radyo Cebu News Team kang Jovani Abellar, usa sa mga residente nga nasunogan nga ang naabtan nalang niya niadtong higayon nga midilaob ang sunog kay ang pagpangayo og tabang na sa iyang mga silangan ang iyang naabtan nga misuway pa sila og palong niini apan tungod sa kapaspas sa pagdako sa kalato kay wala na sila kaato nga maka-alibyo sa sunog.
Gani dugang pa niya nga sa pagkakaron kay wala na niya ilha isip kadugo ang iyang ig-agaw nga si Zhym Palermo, kinsa gitumbok nga sa ilahang panimalay nagsugod ang sunog nga wala dayo aksyoni niini nga gimahay na sa iyang mga kasilinganan.
Asoy ni Abellar nga maningkamot silang makapatukod pagbalik sa ilang panimalay tungod kay ang maong lugar kay mao ang ilang gidak-an sukad pa sa ilang katiguwangan.
Panawagan niini sa mga adunay humok nga mga kasing-kasing nga tabangan sila sa pagbangon pagbalik ilabi na sa mga panginahanglunon sa matag adlaw sama sa pagkaon, sinena, ug uban pa.
Sa kasamtangang ihap, adunay 349 ka mga indibidwal ang biktima sa sunog gikan sa 98 ka mga pamilya. 39 ka mga panimalay ang nasutang naugdaw diin 36 ang totally damaged samtang tulo ang adunay partial damages.
Nagpadayon sa pagdalit og pasiunanag hinabang ang Kagamhanang Dakbayan sa Sugbo pinaagi sa Department of Social Welfare and Services diin nagpahigayon pud sila sa pag-rehistro sa mga biktima isip internally displaced persons (IDPs) aron mahatagan sa hinabang pinansyal.
