CEBU – Dul-an sa siyam ka tuig human gikusokuso sa super Typhoon Yolanda (Haiyan) ang amihanang Sugbo niadtong 2013, nga miguba sa mga panimalay nga dul-an sa 200 ka mga pamilya sa lungsod sa Tuburan, nakadawat na og bag-ong mga pinuy-anan sa miaging buwan.
Kini human ang local government unit sa Tuburan ug National Housing Authority sa Central Visayas (NHA 7) mi-turn over sa mga panimalay ngadto sa 170 ka benepisyaryo sa Yolanda Permanent Housing Project sa Lantawan Homes, Barangay Antipolo sa amihanan-kasadpang lungsod sa Sugbo niadtong Septiyembre 16, 2022.
Tumong sa maong programa nga mapalambo ang kalidad sa kinabuhi sa mga Tuburanon ilabina niadtong nagpuyo sa mga peligrosong lugar.
Ang Tuburan nalakip sa 15 ka lungsod sa amihanang Sugbo nga gigusbat ni Yolanda niadtong Nobiyembre 8, 2013.
