Cebu City-Gidayeg ni Cebu City Mayor Tomas Osmeña ang mga firefighters kun kabomberuhan sa ilang pakigkombate sa sunog sa Metro Ayala Department Store sulod sa 4 ka adlaw.
Matud ni Osmena nga angayan lang nga pasidunggan ang mga bombero sa ilang katakos sa hinaot nga mapalong ang kayo bisan ug wala na silay tarong tulog.
Dugang pa ni Osmena nga gipasigarbo niya nga bisan ug wala siya atol sa panghitabo, nagtinabangay ang mga tao ug isip usa ka mayor proud siya niini.
Apan sa laing bahin, gikasagmuyo sa mayor nga aduna gyud kakuwang sa pagkontrolar sa kayo sanglit kwestyunable man nga wala mugana ang sprinkler sulod sa maong mall.
Dili matud pa experto si Osmena sa firefighting apan naa siyay commonsense hayan kinahanglan nga lantawon nganu nga wala migana ang sprinkler nga mao man unta kini ang una gyud ug ang makatabang ilabina sa mga high rise building.
